வெற்றிலை ரசம்

TO VIEW IN ENGLISH : PLS CLICK
வணக்கம் ,

வெற்றிலை ரசம் ! குளிர் மற்றும் மழை காலங்களில் குளிர் ஜுரத்திலிருந்து நம்மை பாதுகாத்துக்கொள்ள இந்த ரசம் மிகுந்த உதவியாக இருக்கும்.

சுலபமான , சத்தான வெற்றிலை ரசம் செய்முறை உங்களுக்காக ,

தேவையானவை :

வெற்றிலை - 4

மிளகு - 1 தேக்கரண்டி

சீரகம் -1 தேக்கரண்டி

மல்லி பொடி- 1தேக்கரண்டி .

பூண்டு - 6+ 4பல்

பெருங்காயம் - ஒரு சிட்டிகை

தேங்காய் - 3 தேக்கரண்டி

தக்காளி - 2

புளி- சிறிய துண்டு

உப்பு - தேவையானளவு

கடுகு - 1 தேக்கரண்டி

கருவேப்பிலை - ஒரு கொத்து

தேங்காய் எண்ணெய்/ நெய்- 1 தேக்கரண்டி

மல்லியிலை - 2 தேக்கரண்டி

செய்முறை :

அ) வெற்றிலையை நன்றாக கழுவி , நடுவில் இருக்கும் தண்டை எடுத்துவிடவும்.

ஆ) மிளகு , சீரகம் , 2 வெற்றிலை , 6 பூண்டு , மல்லி பொடி, தேங்காய் ஆகியவற்றை கரகரப்பாக அரைத்துக்கொள்ளவும்.

இ) தக்காளியை மசித்துக்கொள்ளவும்.

ஈ) புளியை சுடுதண்ணீரில் ஊறவைத்து, சாறு எடுத்துக்கொள்ளவும்.

உ) வாணலியில் எண்ணெய் சூடாக்கி, கடுகு சேர்த்து, கருவேப்பிலை, பூண்டு சேர்த்து நன்றாக வதக்கவும்.

ஊ) அத்துடன் புளி தண்ணீர் , தக்காளி , உப்பு, பெருங்காயம் , அரைத்த விழுது, ஒரு கப் தண்ணீர் சேர்த்து கொதிக்கவிடவும்.

எ) ரசம் கொதிக்காரம்பித்தவுடன் மல்லியிலை , மீதமிருக்கும் வெற்றிலை சேர்த்து அடுப்பில் இருந்து இறக்கவும்.

ஏ) சூடான சாதத்துடன் பரிமாறலாம்.