செட்டிநாடு காளான் பொடி வறுவல்

TO VIEW IN ENGLISH : PLS CLICK 

வணக்கம் ,

செட்டிநாடு காளான் பொடி வறுவல் ! நான் இந்த வறுவலை சில நாட்களுக்கு முன்பு , மோர் குழம்புடன் செய்தேன். செட்டிநாடு சமையலின் சிறப்பே அதன் நறுமணமிக்க மசாலாதான். சுவையான செட்டிநாடு காளான் பொடி வறுவல் செய்முறை உங்களுக்காக ,

தேவையானவை :

காளான் - 200கிராம்.

எண்ணெய் / நெய் -1 தேக்கரண்டி .

மஞ்சள் தூள் -1/4 தேக்கரண்டி .

உப்பு - தேவையானளவு.

மல்லி இழை- ஒரு கொத்து .

எலுமிச்சை சாறு - 1தேக்கரண்டி .

வறுத்து பொடிப்பதற்கு:

முள்ளுமல்லி - 2 தேக்கரண்டி .

மிளகு - 1தேக்கரண்டி .

உளுந்து பருப்பு - 1 1/2தேக்கரண்டி .

காய்ந்த மிளகாய் - 4

செய்முறை : 

அ) காளானை நன்றாக சுத்தம்செய்து , நீளவாக்கில் பெரிய துண்டுகளாக வெட்டிக்கொள்ளவும்.

ஆ) வாணலியில் எண்ணெய் சேர்க்காமல் அரைக்கும் பொருட்களை பொன்னிறமாக குறைந்த சூட்டில் வறுத்துக்கொள்ளவும் .

 இ) வறுத்த பொருட்களை கரகரப்பாக பொடித்துக்கொள்ளவும்.

ஈ) வாணலியில் எண்ணெய் சூடாக்கி, வெங்காயம் சேர்த்து, பொன்னிறமாக வதக்கவும் .

உ) பின்பு காளான் துண்டுகள்,மஞ்சள் தூள், உப்பு சேர்த்து மிதமான சூட்டில் தண்ணீர் சேர்க்காமல் வேகவிடவும்.

ஊ) காளான் வெந்தபிறகு, பொடித்த மசாலா பொடி சேர்த்து, காளானுடன் மசாலா நன்றாக கலங்கும்படி வதக்கவும்.

எ) தண்ணீர் முழுவதுமாக வற்றிய பின், மல்லி இழை , எலுமிச்சை சாறு சேர்த்து கிளறி , அடுப்பில் இருந்து இறக்கவும்.

சூடான சாதம், சப்பாத்தியுடன் பரிமாற அருமையாக இருக்கும்.